როგორ გრძნობთ თავს? დადგა ორსულობის 36-ე კვირა, ბოლო დღეებში ბავშვი გაიზარდა: წონა 2600 გრამს აღწევს, სიმაღლე კი 46,6 სმ! საშვილოსნო ჭიპიდან 16 სმ-ით მაღლა აიწია და თითქმის ერთ კილოგრამს იწონის! თუ აკონტროლებთ თქვენს წონას, ახლა ის არ აღემატება ადრე მომატებულ 10-13 კგ-ს. თუმცა, თუ სასწორი მეტს აჩვენებს, ეს სულაც არ არის საკუთარი თავის გაკიცხვის მიზეზი.

36-ე კვირიდან დაწყებული შეიძლება გამოჩნდეს მშობიარობის წინაპირობები. ამ დროს ბავშვის თავი ეშვება მცირე მენჯში და შესაძლოა იგრძნოთ ზეწოლა კუნთებსა და ლიგატებზე. ხელებსა და ფეხებში შეიძლება გაგრძელდეს უსიამოვნო შეგრძნებები, შეიძლება მოხდეს კრუნჩხვები და ბუასილის გამწვავება. რჩევებისთვის მიმართეთ თქვენს ექიმს, ის გეტყვით, როგორ შეიმსუბუქოთ სიმპტომები.

შეგრძნებები, რომლებიც 36-ე კვირაში გექნებათ, მოიცავს ტკივილს ფეხებში, სუნთქვის გაძნელებას, ქოშინს, ჩხვლეტის შეგრძნებას საშოში, ტკივილს მენჯში, რომელიც გამოწვეულია ძვლოვანი ქსოვილის დაჭიმვით. სასიამოვნოდან – გულძმარვა დიდი ალბათობით გაქრება და სრულფასოვნად შეძლებთ ჭამას!

ახლა შეიძლება ფეხებში შეშუპება გამოვლინდეს და თუ ის საღამოს ჩნდება, უბრალოდ ფეხები ამაღლებულ ადგილას დადეთ. თუ შეშუპება იწყება დილიდან, შეამოწმეთ, ხომ არ დაიწყო ჰესტოზის განვითარება!

სავარაუდოდ, თქვენი თმა უფრო სქელი და ლამაზი გახდა. თუმცა, სამწუხაროდ, თმა მთელ ტანზეც გახშირდა, ასევე თმები შეიძლება ამოვიდეს მუცელზეც! საინტერესოა, რომ სიცოცხლის განმავლობაში ადამიანის საფარის „განახლება“ მიმდინარეობს მუდმივად. ანუ თმის ნაწილი ცვივა, მის ადგილას კი ახალი ამოდის. ორსულობის დროს ყველა თმა რჩება “ადგილზე”. მშობიარობიდან ორიოდე თვეში ისევ დაიწყება თმის განახლების პროცესი, ძველი თმები დასცვივდება, ხოლო ახლები დაიწყებენ ზრდას.

შარდვის სურვილი ისეთივე ხშირი რჩება, სხვა საკითხებთან ერთად, მზარდი ბავშვი არა მხოლოდ ზეწოლას ახდენს შარდის ბუშტზე, არამედ ხანდახან ხტუნაობს კიდევაც მასზე. ორსულობის ბოლოს მას შეუძლია ისე ძლიერად ურტყას ფეხები ნეკნებს, რომ ტკივილი გადაეცემა გულს. მასთან ახლა ბევრი საინტერესო რამე ხდება!

ორსულობის 36-ე კვირა, ორსულობა, დედობა, პრეგნა-5

ორსულობის 36-ე კვირა: ინფორმაცია ბავშვის შესახებ

იმ ცხიმის წყალობით, რომელსაც თქვენი პატარა სიხარული ამდენი კვირა აგროვებდა, ლოყები შესამჩნევად მომრგვალებული აქვს. „რევოლუციებისგან“ თავისუფალ დროს ის თითს წოვს, რომელსაც მალე თქვენი მკერდი ჩაანაცვლებს. ის კარგად ერკვევა გემოვნებაში და მას უკვე აქვს საკუთარი პრეფერენციები!

ბავშვის კანი გახდა გლუვი, პირველყოფილი ლუბრიკანტი პრაქტიკულად გაქრა და ამნიონური სითხის რაოდენობა შემცირდა იმის გამო, რომ ბავშვი აგრძელებს ზრდას. მას წამწამები უკვე შესამჩნევი აქვს, წარბები გაუმუქდა, თავზე კი თმები ეზრდება. შემდეგ სკრინინგზე თქვენ შეძლებთ ნახოთ, როგორი სიმპათიური პატარა ტრიალებს თქვენს მუცელში!

ის მაინც ყურადღებით უსმენს ყველაფერს, რასაც თქვენ ამბობთ, უხარია როცა ისმენს თქვენს ან მამამისის ხმას. თქვენ რომ შეგეძლოთ მოუსმინოთ ბავშვის გულს, როდესაც მიმართავთ მას თქვენ ან სხვა ადამიანები, რომელთა შეყვარება მან უკვე მოასწრო, შეამჩნევდით, თუ როგორ იწყებს ის უფრო სწრაფად ცემას!

დედისგან ჭიპლარის მეშვეობით ბავშვი იღებს ყველა იმ კომპონენტს, რაც მნიშვნელოვანია მისი განვითარებისთვის და ამიტომ ძალიან მნიშვნელოვანია დედისთვის ორგანიზმის იოდით, რკინით, DHA-ით, ფოლატებითა და D3 ვიტამინით უზრუნველყოფა. საჭირო რაოდენობით, ყველა ამ ელემენტს პრეგნა-5 კომპლექსი შეიცავს.

ბავშვის თავის ძვლოვანი ქსოვილი რჩება რბილი, რათა მან უფრო ადვილად გაიაროს სამშობიარო არხებში. ზოგჯერ მშობიარობის დროს პატარას თავი ოდნავ „წაგრძელებული“ ხდება, მაგრამ გაჩენიდან ძალიან მცირე ხნის შემდეგ ბუნებრივ ფორმას იღებს.

ორსულობის 36-ე კვირა: ბავშვის ორგანიზმი მზად არის ფუნქციონირებისთვის, ყველა ორგანო ჩამოყალიბებულია და უახლოეს კვირებში ისინი მხოლოდ “დაიხვეწება”. ბავშვის ორგანიზმი დამოუკიდებლად უზრუნველყოფს სისხლის მიმოქცევისა და სითბოს გადაცემის პროცესებს, მის ღვიძლში გროვდება რკინა. ბავშვის სასუნთქი და გულ-სისხლძარღვთა სისტემა სრულყოფილად ფუნქციონირებს, ასე რომ, თუ ის ახლა მოულოდნელად დაიბადება, მის სიცოცხლეს საფრთხე არ ემუქრება!

ბავშვი ცხვირით სუნთქვას სწავლობს, დარჩენილი კვირები კი მის ემოციური განწყობისთვის უფრო საჭიროა – ის ფიზიკურად მზადაა თქვენი გაცნობისთვის!

ორსულობა, დედობა, პრეგნა-5, ორსულობის 36-ე კვირაამიერიდან, ბავშვის საკმაოდ დიდი ზომის გამო, ის ოდნავ ნაკლებად მოძრაობს – სულაც არ არის ადვილი მისთვის ტრიალი, როგორც რამდენიმე თვის წინ. ნახევარი დღის განმავლობაში მან უნდა გააკეთოს მინიმუმ 10 მოძრაობა. ბავშვს შეუძლია ხელებისა და ფეხების გაქნევა, შეიძლება გირტყათ ნეკნებზე, გასწევს და გამოსწევს ყველაფერს, რაც კი ხელს უშლის მას. მოგიწევთ მოთმენა 🙂

გამოკვლევის დროს ექიმები გაარკვევენ, თუ როგორი მდებარეობა მიიღო ბავშვმა და ასეთ მდგომარეობაში, სავარაუდოდ, დაბადებამდე დარჩება. ყველაზე ხშირად, ეს არის ან გრძივი მდებარეობა (ყველაზე მოსახერხებელი), ან მენჯით წინამდებარეობა ან გარდიგარდმო და ირიბი მდებარეობა.

ორსულობის მესამე ტრიმესტრი: რეკომენდაციები

თქვენი კეთილდღეობისთვის მთავარი რეკომენდაციაა წონის კონტროლი. თუ შეამჩნევთ, რომ საჭიროზე მეტის მიღება დაიწყეთ, შეამცირეთ სწრაფი ნახშირწყლების რაოდენობა, დაამატეთ ბოსტნეული და ხილი.

რეკომენდებულია მუხლ-იდაყვის პოზაში დადგომა დღეში რამდენჯერმე, რათა შინაგანმა ორგანოებმა დაისვენონ საშვილოსნოს ზეწოლისგან.

დააკვირდით სეკრეციას. თუ ის მოულოდნელად გახდა სისხლიანი ტკივილის გარეშე, ეს შეიძლება იყოს ლორწოვანი საცობის ჩამოვარდნის ნიშანი. თუ გრძნობთ მკვეთრ ტკივილს, შესაძლოა მოხდა პლაცენტის აცლა, ამ შემთხვევაში საჭიროა ექიმის გამოძახება. ნებისმიერ შემთხვევაში შეატყობინეთ ექიმს თქვენი გამონადენის რაოდენობისა და ხარისხის შესახებ. ასეთ შემთხვევაში, თქვენ არ გამოტოვებთ ამნიონური სითხის დაღვრის დაწყებას ან ინფექციის განვითარებას.

და რაც მთავარია, მხოლოდ 4 კვირა გაშორებთ პატარასთან შეხვედრისგან. მზად ხართ ამისთვის?