ორსულობის 1 კვირა საინტერესო პერიოდია, რომლის სიმბოლოც კითხვის ნიშანი შეიძლება ჩაითვალოს. ამ დროს მომავალმა დედამ არ იცის, რომ შიგნით უკვე ახალი სიცოცხლე ყალიბდება: ის ვარაუდობს, ეძებს სიმპტომებს, უსმენს საკუთარ თავს და… ელოდება.
ორსულობის პირველი კვირად ითვლება ბოლო მენსტრუაციის დაწყების დღე. ბევრ ქალს უკვირს, რადგან ისინი ამ დღეებში ალბათ ჯერ კიდევ არ ყოფილან ორსულად. თუმცა, თანამედროვე გინეკოლოგები სწორედ ასე იწყებენ ათვლას, ვინაიდან ჩასახვის ზუსტი დღის დადგენა საკმაოდ რთულია. ამ გამოთვლის ვარიანტს ეწოდება „სამეანო ვადა“. გინეკოლოგები განმარტავენ, რომ ნაყოფის არარსებობის მიუხედავად, კვერცხუჯრედი უკვე მწიფდება პირველ კვირაში, ხოლო ციკლის მე-14 დღეს (ჩვეულებრივ, ოვულაცია ხდება ციკლის შუაში), თუ განაყოფიერება მოხდება, იწყება „ემბრიონული ვადა“ .
რას გრძნობს ქალი ორსულობის პირველ კვირაში?
გინეკოლოგების უმეტესობას ურჩევნია დათვლა სამეანო მეთოდის მიხედვით აწარმოოს და, შესაბამისად, ორსულობის 1-ლი კვირა მიმდინარეობს ქალის ორგანიზმში რაიმე სახის ცვლილებების გარეშე. მომავალ დედას 1-ლ კვირას არ აღენიშნება ორსულობისთვის დამახასიათებელი სიმპტომები, არც გულისრევა, არც გემოვნების ჩვევების ცვლილება და არც სარძევე ჯირკვლების მგრძნობელობის მომატება. თუ ვსაუბრობთ ორსულობის ტესტებზე, მაშინ პირველ კვირაში ისინი აჩვენებენ უარყოფით შედეგს, რადგან სისხლში hCG (ადამიანის ქორიონული გონადოტროპინი) დონე ჯერ კიდევ არ არის გაზრდილი. hCG-ის მატება იწყება საშვილოსნოში განაყოფიერებული კვერცხუჯრედის იმპლანტაციის შემდეგ.
ადამიანის ქორიონული გონადოტროპინის დონე ყოველდღიურად იზრდება: მაგალითად, ემბრიონული ვადის მეხუთე დღეს ის აღწევს 25-დან 50 mIU / ml-მდე, ხოლო პირველი თვის ბოლოს ის იზრდება 3000 mIU / ml-მდე. ეს ხსნის ორსულობის უარყოფით ტესტებს განაყოფიერებიდან 12-14 დღის განმავლობაში.
რეკომენდაციები ორსულობის პირველი კვირისთვის
✓ მავნე ჩვევებზე უარის თქმა;
✓ გინეკოლოგის თანხმობის გარეშე სამკურნალო პრეპარატებზე უარის თქმა;
✓ გაუფრთხილდით ნერვულ სისტემას;
✓ ნუ გექნებათ ურთიერთობა გაციებულ ადამიანებთან;
✓ გადახედეთ რაციონს: ამიერიდან ის უნდა იყოს მდიდარი ვიტამინებისა და მინერალების საკმარისი რაოდენობით;
✓ უარი თქვით ცხარე, მჟავე, შებოლილ და მარილიან საკვებზე – შეცვალეთ ისინი ბროკოლით, თხილით, ხილით და ჩირით;
✓ გაატარეთ საკმარისი დრო სუფთა ჰაერზე, რადგან ჟანგბადის მიწოდება მნიშვნელოვანია როგორც თქვენთვის, ასევე თქვენი მომავალი ბავშვისთვის.